X EDICIÓN PREMIOS PROVINCIAIS Á XUVENTUDE

A Deputación de Pontevedra, a través do Servizo de Xuventude e Reto Demográfico, convoca anualmente os Premios Provinciais á Xuventude coa finalidade de promover o talento e o potencial da mocidade da nosa provincia.

Os participantes serán mozas e mozos de entre 15 e 35 anos. Algunhas categorías tamén están dirixidas a asociación xuvenís e estudantís, a persoas xurídicas con sede na provincia, a centros educativos nos que participe alumnado de entre 12 e 35 anos e a concellos da provincia que desenvolvan iniciativas dirixidas á mocidade.

O prazo de presentación de solicitudes é de dous meses, do 3 de marzo ao 4 de maio de 2026.

Para calquera aclaración sobre o contido das bases poderá conectarse co Servizo de Xuventude e Reto Demográfico a través do seguinte enderezo de correo electrónico: xuventudereto@depo.es