CURSO DE INTRODUCIÓN Á LINGUA E Á CULTURA GALEGAS

A Consellería de Cultura, Lingua e Xuventude, a través da Secretaría Xeral da Lingua, e coa colaboración dos concellos da Rede de Dinamización Lingüística, vai realizar ao longo deste ano diversos cursos dirixidos a persoas adultas interesadas na aprendizaxe da lingua e a cultura galegas nun nivel inicial.

Trátase de cursos presenciais, de 20 horas cada un, cos que se pretende promover o emprego do galego e o coñecemento da cultura galega en distintos ámbitos da poboación e en todos os contextos da sociedade, dirixíndose particularmente aos novos galegos e galegas provenientes do exterior.

Estes cursos teñen un dobre obxectivo: fomentar a integración e a inclusión sociocultural efectiva das persoas participantes, dado que aprender o idioma do país de acollida é esencial para integrarse con éxito, así como aproveitar o enorme potencial que supón a chegada de persoas de fóra de Galicia como un xeito de incrementar o número de falantes da nosa lingua.

CURSO DE INTRODUCIÓN Á LINGUA E Á CULTURA GALEGAS EN VILAGARCÍA DE AROUSA

- Actividade: Curso de introdución á lingua e á cultura galegas

- Modalidade: Presencial

- Datas da actividade: Do 19 ao 30 de outubro de 2026

- Horario: De luns a venres, de 18:00 a 20:00 h

- Lugar: Centro de Formación Permanente, avda. de Matosinhos, 1, Vilagarcía de Arousa

- Número de prazas: 15 prazas

- Persoas destinatarias: Maiores de 16 anos que se acheguen por primeira vez ao galego

- Prezo da inscrición: Gratuíto

- Lugar de presentación das solicitudes: Na Sede electrónica do Concello de Vilagarcía de Arousa (https://sede.vilagarcia.gal) ou no Rexistro Xeral do Concello de Vilagarcía de Arousa

- Prazo de inscrición: Do 15 de setembro ao 07 de outubro de 2026

- Adxudicación das prazas: Por orde de presentación

- Data e lugar das prazas adxudicadas: 14 de outubro de 2026 na sede electrónica e na páxina web do Concello de Vilagarcía de Arousa

- Diploma de asistencia ao alumnado da actividade de formación (20 horas) expedido pola Xunta de Galicia

- Obxectivos desta proposta educativa e de integración:

· Estender o coñecemento de aspectos culturais e lingüísticos que axuden a contextualizar o idioma na poboación que acaba de chegar a Galicia.

· Facer unha introdución á lingua por medio da familiarización coa fonética, vocabulario esencial e fraseoloxía básica.

· Divulgar os recursos formativos dispoñibles para coñecer a nosa lingua.

Data de publicación: 10/09/2026

Categoría: Normalización Lingüística

Remitido por: NORMALIZACION LINGUISTICA